打風嘅秋季

濕度83%嘅秋天⋯天氣異常，往年多天秋燥嘅陰虛體質，今年多見寒痰、濕熱。

見歐陽醫生好少教煲藥湯，臨床經驗，先做好飲食均衡，補好營養，基礎都食唔掂，仲邊度抽到時間另外煲湯？唔好講煲，飲都未有時間。「每日飲食指南」要跟，每日跟唔足都最起碼每週食夠營養。

另外一點係，要醫病嗰陣飲湯唔夠力，直接上用藥啦，病人都擔心多飲藥唔好，都病緊仲去擔心飲藥唔好？藥係拎黎醫病，無病嗰陣就自然可以停藥減藥，唔係一件值得擔心嘅事。

Recent Posts

門診腸胃病嘅人士佔絕大多數，俗語講「人生三得」，就係食（飲食）、瞓（睡眠）、疴（排二便）三樣都良好，「三得」好嘅人，難生病，「三得」其中一樣或以上出問題，長久以後必定病，只係「病」得唔同程度。而普遍大家對「病」嘅感覺同認知唔同，亦引致病人喺唔同深淺嘅時候求診。例如，有病人...

門診好鍾意請病人多增加肉類、豆類攝入，肌肉流失與痛症（面部皺紋）發生相關。健康人士飲食，係好均，70+都可以自己一餐食完一條魚，亦肯食肉/飲肉汁。紅肉相對易刺激身體發炎/痛風發生，豆蛋白就係相對安全嘅植物蛋白，適合素食者，適當攝取唔會增加痛風發生。常見豆類的性味與功效...