春天濕重點樣唔會病

近來天氣⋯有啲惡頂⋯大風、翳焗、潮濕、霧霾、大雨、陽光⋯換住黎⋯

身體潺啲或者工作忙啲都會中伏！

歐陽醫生係屬於兩者皆是，但係點樣唔中伏呢？答案：

跟住天氣同身體做調節，例如：

濕度：潮濕天氣開部細抽濕機瞓覺（附圖），國產淘寶兩舊幾水有交易，可以控制濕度喺51%-61%之間；如果只有大部嘅，瞓覺前將屋內濕度控制好先瞓。

潔淨度：唔講，其實經常要做好。

衣物：呢種天氣要用消毒水洗，用乾衣機或抽濕機整乾。

營養素與中藥：如果有「濕」嘅症狀，大便爛、口淡淡、胃口差、攰同沈重、頭腦唔清等等，我會食水果酵素、機能性益生菌、利水滲濕健脾中藥等（附圖）。

藥食同源：如淮山、薏米、豆莞、砂仁、陳皮、薑、葱、香辛辣要小心用、扁豆、赤小豆、粟米鬚等，另外仲有紅蘿蔔、棉茵陳、夏枯草、菊花等等；識嘅會明白食邊幾類，唔識嘅歡迎咨詢。

排汗：每星期都要做運動出汗，幾攰都好，最少每日5-15分鐘，拉筋也好、原地跳也好、掌上壓也好、去會所健身室都好，運動無藉口，身體係自己。

今日講住咁多，祝大家健康，仲有小心地滑、唔好淋濕。

Recent Posts