月經病與人工周期

月經病與人工周期

都巿壓力大，令到唔少女性都會產生月經病，要麼血虛 #頭暈 、要麼肝鬰 #頭痛 、再者有 #痛經 ， #月經延後 甚至 #閉經 （三個月以上唔黎月經先叫經閉）。

調月經，西醫多數做 #人工周期 ，即係食兩隻激素，末次黎完月經嘅日子開始，食15日 #䧳激素 ，第16日開始，食5日雌激素＋ #黃體素 ，停藥等月經黎。當然，具體食藥日數要跟返病人素來月經周期作調整。

其實中醫都有人工週期，用 #中藥 調身體，跟返月經週期用唔同嘅中藥，會將月經月經週期分開三期、四期、或五期用藥，視乎每個醫家嘅經驗不同。中藥嘅人工週期，大概係末次月經黎完嘅日子，養腎，養到要排卵期前幾日，補腎又活血，過咗排卵日後就加強補腎，打孖黎補，到行經前幾日，補之餘加啲催經血嘅藥，咁就叫完成一個中藥人工周期喇。

兩者唔同嘅係，西藥人工週期有機會整亂腦嘅總掣，變咗唔食藥就唔識黎；中藥嘅人工週期，就唔會搞亂個總掣，但麻煩囉，成個月咁飲中藥，飲到口都悶埋，中間仲可以加埋 #針灸 黎 #推經 㖭，方便程度真係唔係食粒西藥咁簡單。

大家睇返自己嘅需要，選擇西醫定中醫幫　閣下做人工週期吧。

祝天下女性月經順暢，唔出意外，皮膚又靚靚吧～

#澳門中醫

#講人話

#希望大家睇得明

#網絡圖片