1208澳門COVID分享
- Melody Doctor of TCM
- Dec 28, 2022
- 2 min read
有好多專家，有好多睇法，幾時都以臨床辨證配合實際用藥為基本！
今次1208澳門COVID事件，歐陽醫生門診亦見以寒濕居多，呢點亦足以解析點解連花清瘟唔適用，有食完加重、亦有食完不適，唔係代表連花清瘟唔係一條好方，只係代表佢僅適用於澳門618疫情，618時至夏至，7月中就係三伏，最熱嘅時間，1208剛好相反，正值冬至，處於三九天最寒之時。
所以，嗰啲好鍾意煲魚腥草、金銀花黎「保健」「防新冠」嗰啲就全數打面喇，面對1208可以講九成唔對證。
我地幾時都要緊扣呢度係澳門，澳門就係嶺南天氣，冬天嘅寒邪都無北方寒邪嚴重，用藥同食療都必須配合澳門人特式，更要配合個人特式用藥。
所以，文中有令人參考嘅地方，亦僅記有澳門不適用嘅地方。
作為澳門一名私人中醫生，所睇倒嘅案例係佔澳門嘅一部分，所以只可以講心得分享，文中所講附子、石膏、北芪呢幾味藥，今次1208無點用到，但用藥大方向同文中所述以化解寒濕為主，有小眾病人，拎黃連溫膽湯黎做主方都可以處理倒，所以，每個醫家用藥都有唔同方法，只要你信邊個就搵邊個幫你醫就可以了，最切忌睇完醫生A就拎醫生B嘅教學黎問，醫生A肯定叫你停B啲嘢，唔好搞咁多嘢搞亂曬A嘅節奏。
食療方面，歐陽醫生絕對推薦一字記字曰：「飢」，堅持唔餓唔食，餓只少食，飲食只能半飽，因為發燒嘅時候，身體最需要休息腸胃，全力去打病毒，唔食嘢就係要靠代茶頻飲當水飲，一黎可以補充熱量，二黎頻飲水可利尿，利尿乃退燒三大法之一。
必要時無中藥執，身邊嘅西藥中成藥都要拎黎頂住檔先，連花清瘟可以用，但一定要跟醫生醫囑教你點服用，絕對唔可以跟盒說明書就咁用，識用一樣可以活化身邊嘅成藥頂住檔用，一樣有效。
原文連結：
Kommentare