肩周炎
有無規定話五十歲會肩周炎發作呢？其實無嘎，早嘅三十零歲都會發生。
肩周炎，係肩關節周圍炎嘅簡稱，近年會以黏連性肩關節炎（adhesive capsulitis）/adˌhēsiv ˌkapsəˈlīdəs/ 做正式學名，中醫舊有名係凍結肩、五十肩、漏肩風，方肩等，英文名有frozen shoulder。
症狀就係肩關節活動受限、疼痛，長期病患易引起局部肌肉僵硬或廢用性萎縮。正式將病位形容，可以同肱二頭肌長頭肌腱炎、崗上肌腱炎、肩袖（旋轉肌）撕裂傷、肩峰下滑囊炎等，亦可以由肱骨骨折引起。病因一般由外傷或慢性勞損引起。
西藥治療，可以用止痛藥（注射或內服）、生長因子注射等方法處理。
物理治療，有用衝擊波、超聲波、熱療、冷療等。
運動康復治療，屬必須治療，無論使用中西方法，都必須配合，因為症狀有活動受限及炎性黏連，必須配合運動方法將關節活動度逐步拉或壓回正常值。（圖片取自網絡。）
中醫治療，針灸、推拿、拔罐、電療、特定電磁波、中頻等一般都需要綜合用上。推拿可以使萎縮肌肉恢復原有彈性，針灸及手法有效將黏連拉開，針灸亦有鎮痛作用，其他輔助方法同樣目的。中藥，有止痛及解黏連作用，中醫術語係袪風散寒、活血通絡、行氣止痛等（要視乎證型而使用不同藥物）。
—————————————————————
病例，
有病例患病兩至三年，正式中醫所講「方肩」，患肩肌肉完全僵硬萎縮，令膊頭無咗原有圓形弧度，手法及推拿治療後會令局部瘀黑，瘀腫散去後肌肉回復彈性，病人睇咗十診，康復程度約60%，病人無夜間疼痛及可以如常生活就自行停診了。
有病例係患病四個月，常規症狀，病人依從性極佳，十診後完全康復。
有病例係三日，外傷（跌挫傷）引起，肩痛無逐日緩解加上活動受限，門診治療一次，只需手法治療，唔需要針灸，已經止痛及恢復活動度。
老生常談，病向淺中醫，肩周炎拖延時間越長，門診治療時就越痛，所需療程亦越長。
意外外傷好難避免，但慢性勞損可以預防，平時多做開胸運動、頸部操，係有效預防肩周炎發生，運動年齡最佳由三十歲起開始，越早越好。
—————————————————————
Comments