兒童增高
有學生問起，小兒增高係咪要飲「海馬增高湯」？
歐陽醫生嘅答案：
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
第一點：我地先要了解該名兒童係咪有增高嘅必要？
呢度有連結，係一位兒科醫生嘅網站(https://i-growth.com.hk)，我地借用佢嘅兒童生長線圖：
女童，9歲，12x公分，符合生長曲線。而按女童父母身高公式估算女童成年後身高約為153公分，所以，該女童沒有增高嘅必要。
＝＝＝
有一種矮係人地覺得你矮，其實小童嘅身高合理，並唔人地口中嘅所謂矮，胡亂將負面字眼套落小童身上，有機會傷害兒童心理及自信心。作為家長，應該先了解別人說話嘅真偽，究竟小朋友係咪真係有問題？需唔需要去檢查有無發生引起成長障礙嘅疾病？如已確定屬錯訟誤資訊，應去教育小朋友正確嘅價值觀，培養小兒嘅自信心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
第二點：海馬有乜用？
海馬現代藥理作用：1、性激素樣作用：表現為雄激素樣作用。
2、抗衰老：減少單胺氧化酶的活性，降低過氧化脂體在體內的含量。亦有一定保護神經元嘅功效。
3、具有抗癌活性。
＝＝＝＝
所以，作為中醫，傳統會用海馬黎壯陽，或者醫腎虛咳嗽。當學生問我小童應否飲海馬湯時，我第一反應係「乜你小朋友陽萎咩？」
海馬中醫藥理：
性味：味甘、性溫，歸肝、腎經
功效：補腎壯陽、調氣活血
主治症狀：陽痿、遺精、 遺尿、腎虛作喘、癥瘕積聚、跌打損傷、療瘡腫。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝第三點：點幫小童增高
影響孩童成長的因素有好多，包括：家族遺傳、睡眠、營養，甲狀腺素、生長激素、青春期發育、或其他內分泌問題等。不論孩童成長得太快或太慢，都需要注意。西醫方面，可檢查骨齡、或驗血，由兒科醫生或內分泌科醫生安排檢查。
＝＝＝
人嘅高度，主要係取決於生長激素，而生長激素係由腦下垂體前葉分泌。當長骨受到腦下垂體前葉分泌的生長激素刺激時，長骨的骺板會進行軟骨內骨化，從而縱向生長。 而骨頭成熟，性腺分泌的激素起重要作用，即第二性徵出現時，兒童已缺乏增高空間。
＝＝＝
所以，了解兒童睡眠質量、腸胃狀態（包括胃口、大便次數及質地）、運動狀況；減少攝入塑化劑、減少攝入不良動物脂肪，提防兒童性早熟，都係幫助小童增高嘅主要方法。
＝＝＝
錯誤增高方法：
xxxx1xxx盲目亂飲中藥，如海馬湯：
中醫按語『海馬補腎，小兒成長問題一定係腎虛咩？可唔可以係肝鬰？脾虛或者血虛？』
xxxx2xxx盲目強逼運動，如跳繩：
新聞一則『有內地媽媽為了讓已來初經的女兒可以長高，遂逼迫女兒每日跳繩3,000下。其後，女兒出現左膝疼痛的症狀，連走路都痛，求醫後發現患上脛骨粗隆骨骺炎。』
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
第四點：中醫增高門診
中醫角度，小兒增高，可以使用中藥去開胃，處理小兒因「無胃口」而營養不良嘅問題，或者用中藥處理因情緒問題（即肝鬰），或其他門診檢查出嘅問題；亦可使用針灸、推拿，調節兒童整體氣血去輔助長高。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
希望資訊對各位父母有幫助，亦祝願各位小朋友健康快樂咁成長。
Comments