口臭原因

口臭原因

口臭嘅原因，最簡單可分為口腔問題同身體問題。

口腔問題：

1，要跟牙醫，檢查清楚有無牙齒嘅問題。2，口腔衛生，刷牙要輕輕按摩埋牙肉位，可以加用牙線、嗽口水。含有酒精嘅嗽口水，我會建議唔好𠺘太耐，但對咽喉止痛有一定作用；不含酒精嘅嗽口水，同香口膠一樣香味，適合帶細枝喺身邊，餐後用。

3，如果真係無嗽口水，每日飲清水量要足夠，餐後用清水𠺘多幾次口。

4，千祈唔好以茶、咖啡代替清水。

身體問題：

5，胃腸疾病，代謝性疾病，都會引起口氣產生，對病治療先有用。

6，續上點，如幽門螺旋桿菌、便秘、老年性腸道菌群失調。

7，益生菌可用但唔係萬能，一係要用對冷鏈粉狀益生菌，二係需要配搭抗炎、殺菌嘅營養做配合。

8，中醫，口氣一般講胃火，常用係清胃熱嘅藥物，但，有陰虛致火旺者，必須配合養陰藥，亦有單純實火者，但要配理氣消導藥。有唔明就問相熟中醫，唔好亂用藥！

9，食品類，任你玩，只要係正常食品，都可以隨需要食用，想除口氣不妨考慮下以下，例如：豆腐花、哈蜜瓜乳酪、蘆薈果汁、緣豆沙、菜乾豬骨湯、西瓜西米露、竹庶馬蹄茅根水、芹菜紅棗湯、粟米鬚水等等。

https://skypost.ulifestyle.com.hk/article/2578917/【戴口罩口臭】長時間戴口罩易致口臭熏天？%20牙醫教一個好習慣保持口氣清新

Recent Posts