一熱一冷唔想病

天氣酷熱，出街一身濕曬，室內又俾勁大冷氣吹住，濕住身好易病。

===長文慎入===

可以做嘅有：

-毛巾、難溶嘅紙巾如抹手紙、Tempo等攝背脊吸汗

-準備多件運動上衣替換

-進入冷氣區適當增添衣物

-出入人多、病患多嘅地方戴口罩

-勤洗手，如廁後、進食前用鹼液、番梘洗手

-收工回家時漱口及洗面，可用生理鹽水沖洗鼻腔、漱口水𠺘咽喉

-足夠運動

-足夠休息

-均衡營養

歐陽醫生自行處理會有：

-發現頭赤赤、占寒占凍，推掉工作，食劑中藥後，盡早上床大覺瞓，一般出身汗休息夠都唔會惡化，瞓覺會攝條大浴巾

-休息唔足夠時會減少運動時數，疲累運動更易受傷

-湯水一般唔得閒煲，會食蔬菜源綜合營養素，替代高糖分運動飲料，會食蔬菜源纖維粉同補血粉（歐陽醫生係貧血體質，非貧血體質建議經後連續補充一星期）

-會煮瓜、菜、魚柳、豆腐、排骨等等容易處理嘅食材做三滾湯，最快十分鐘有得飲，例如魚柳菜湯、瑤柱蝦米瓜湯、水滾後大碟薑蒜放底，加些少油、鹽、胡椒，先放肉類，再放蔬菜類，味覺唔會好優秀，但出品可以接受，最少，簡單方便。

-糖分補充主要靠水果，每日都食兩種，兩個拳頭大

-休息日煲湯

-清水飲足夠

-咖啡、茶間日飲，盡量唔會每日飲咖啡

-咖啡多飲期間，會補充蔬菜源鈣片、大麥苗

-捱夜、夜瞓、應酬時會補充護肝、B雜等

-辨證辨症，適當用養陰、補氣、清熱、袪風藥

-疏風方法

-荊芥、防風、薄荷各10-15克，水滾至聞香熄火代茶飲。

-夏枯草、桑葉、菊花各10-15克，對，就是傳統夏桑菊，聞香即止。

-養陰方法

-烏梅、布渣葉、山楂，各10-20克，水滾後煲20分鐘左右。

-鹹檸（鮮檸亦可，鮮檸可加點鹽）、蜂蜜，適量泡茶

濕度83%嘅秋天⋯天氣異常，往年多天秋燥嘅陰虛體質，今年多見寒痰、濕熱。見歐陽醫生好少教煲藥湯，臨床經驗，先做好飲食均衡，補好營養，基礎都食唔掂，仲邊度抽到時間另外煲湯？唔好講煲，飲都未有時間。「每日飲食指南」要跟，每日跟唔足都最起碼每週食夠營養。...

好記得之前教月子班嘅食療同痛症，有學生嫌棄歐陽醫生寫嘅食譜太「cheap」無寫中藥喺入面，可以理解，學生學月子，就係想學識點用藥。所以我帶出，想學識用藥，甚至普通食物，先分清佢嘅歸屬四氣五味，識就用自己嘅脷去感受，唔識就上網查，搜「食物名」+「性味」二字。...

消滯每年食糭嘅日子，都要溫馨提示吓點樣消滯： —————————————————————— 1：消化酶（又稱酵素）方便，一粒就得，好嘅消化酶會有齊蛋白酶、胰酶、乳糖酶、澱粉酶等，全方位照護。 —————————————————————— 2：中藥消滯...

Recent Posts