藥物與排出體外時間
藥物排出體外時間，係視乎藥物嘅「半衰期」，半衰期嘅意思係一粒藥服用後得返一半濃度嘅時間，但，唔係將半衰期乘以2就等於完全排出喔，係經過一個半衰期之後得返一半，再經第二個半衰期就係一半嘅再一半，即係四分之一，如此類推再經過若干個半衰期，藥物就會完全排出體外。
＝＝＝＝＝＝＝＝＝＝＝＝＝＝＝＝＝＝＝＝＝
主要代謝嘅器官就係「肝」同「腎」，所以，肝腎功能正常嘅人，常規藥物都會正常地排出體外，嗰啲奇怪嘅江湖傳聞就唔好再信喇。
＝＝＝＝＝＝＝＝＝＝＝＝＝＝＝＝＝＝＝＝＝
最常見嘅必理痛、幸福，止痛藥主要成份係撲熱息痛，平均半衰期係2小時，所以可以隔4小時一次，每日3-4次，每日（24小時）最高劑量不超過4000毫克，主要經肝臟代謝。
＝＝＝＝＝＝＝＝＝＝＝＝＝＝＝＝＝＝＝＝＝
但唔係隻隻止痛藥都係食一日三次，例如近年新興嘅痛博士，藥商報告係胃腸道副反應相對較輕，半衰期係11個鐘，同樣經肝代謝，所以大多數係每日一次就夠，每日最大劑量不超過400mg，當然根據情況，安排早晚一次服藥，但每次用藥會在200毫克內。
＝＝＝＝＝＝＝＝＝＝＝＝＝＝＝＝＝＝＝＝＝
附一篇，如何正確服用止痛藥：
http://www.pcfhk.org/files/33164512.pdf
＝＝＝＝＝＝＝＝＝＝＝＝＝＝＝＝＝＝＝＝＝
如果問題反覆，配合治療會比單純用藥效果黎得好。
Comments