室內工作、日照太少嘅人士，容易聚濕成痰，即現代醫學如肥胖、疲累、代謝異常等。
袪濕最重要係增加陽氣，即係增加心肺功能、肌肉量，從而提高代謝率，加熱都係一種方法，三伏天灸三九天灸就係利用熱藥結合太陽熱力嘅增強陽氣方法，袪濕其次方法係利水，即係增加排汗、利小便嘅過程。
歐陽醫生個人喜好係拎刮痧版入桑拿房做輕力揉按、輕量帶氧運動、肌力訓練、伸展，輕柔嘅方法，等於幾攰都可以進行嘅方法，無藉口唔去做。有人會問，抽時間去桑拿房時間上太奢侈，有無其他替代方法，可以替代溫熱水浸腳、熱療機熱敷，有條件當然係喺溫柔嘅陽光下運動；帶氧、肌力、伸展等運動，有時間就一個鐘，無時間可以半個鐘、十五分鐘甚至三五分鐘，有，總比無更好，自主運動無法用機器取代。
濕退，肌肉放鬆，人自然變精神，無咁攰。
附圖，醫生最喜愛嘅刮痧板款式，記得跟返肌肉解剖、3Dbody解訓肌肉圖（基礎解剖圖免費）。
有人會問按摩可否使用筋膜槍替代，筋膜槍唔適合頭面、頸部、肌肉量太少嘅關節部位，自行按壓可以搵倒最繃緊嘅肌肉、最酸楚或結成塊嘅結節嘅部位，唔係機器可以取代嘅事情。
Opmerkingen