點樣先有效咁「的起心肝」堅持運動？
歐陽醫生想分享幾點：
1。作月曆式記錄，寫底每日做鍛練到嘅部位，無運動嘅日子一樣寫記低，一方面可以提示自己近來有無「偷懶」，二方面可以好清晰咁作出處方，胸背、腹、下肢每日練一兩款，確保肌肉練到以及有足夠休息時間，有氧無氧都一目了然。
2。搵伴侶，有伴侶嘅團體運動，使人更愉快及更樂意做運動，例如打波、跳舞等運動，或者約埋好友一齊上健身室、報運動班等等。
3。作出承諾、約定。約定好朋友，限期內要鍛練到約定的，有無奬罰規則，大家有興趣就諗好佢啦。
4。定立目標，同上一點類似，可以係因為報比賽而作特定嘅鍛練，可以係要求數值如腰圍要幾多、體脂要幾多、體重要幾多等等。
5。足夠休息。防止運動傷害，一旦傷咗，想郁都有心無力了。
6。唔好過份拘泥時間。雖然理想運動係有規定時間與強度，但好忙好攰之下，簡單拉下筋，或者簡單十分鐘肌力、原地高抬腿踏步，再者做個深呼吸吐納，總比沒有運動來得好。
Comments