麻煩肩
門診收得最多嘅投訴係，啲傷醫唔好，有啲醫咗半年，有啲見過幾個醫生。
攞肩胛骨為例，如圖，可以睇到有幾多組肌肉同佢相關，所以，要醫好肩背傷其實係一件麻煩事，注意，係用「麻煩」黎形用，唔係用「棘手」二字。
麻煩嘅意思係，肩、背傷往唔往單止一組肌肉受傷，尤其係遷延嘅陳舊傷，好多時傷及多組肌群，拖到嗰刻喺門診醫就屬麻煩，病人會話，點解啲痛會「走」嘅？明明一點痛，醫醫下走咗去第二點甚至第三點痛。
因為，新傷嘅時候，可以只傷到一組肌肉，但因為傷患太輕，關節尚可自由活動，往往忽略就醫或處理，繼續運動/勞動，致使協同肌、拮抗肌群相繼被累及，到影響活動，或每下活動都產生痛楚時先去就醫處理。
而康復過程中，治療方法包括推拿（理筋手法）、針灸、整脊、物理治療（即電、熱療，如中醫物理治療電療有電針機、熱療有特定電磁波、場效應、中頻等等，都係中醫門診常用理療方法），再有中藥、營養藥膳等修復。患者需要配合，可能為制止活動、減少運動強度等等，另外有伸展、運動（如導引、氣功、八段錦等等）。
Comentários