按摩致病

按摩致病

　　唔係講按摩令人生病，係想講長期按摩令疾病遷延，延期就醫，致使疾病由輕變重。

　　骨骼、關節、骨骼肌、肌腱、韌帶等共同協調，令人體可以正常活動。

　　當有久坐起立時疼痛、上下樓梯疼痛，身體會自發性將肌肉收緊，目的係減少肢體關節活動，減少身體進一步受傷。當肌肉收縮繃緊疼痛時，按摩將肌肉放鬆，人體自然感到舒適，但，沒有將根本病因袪除，肌肉按完轉個頭又會收返緊。

　　📌📌📌呢個時候，多數人選擇反覆伸展、拉筋；反覆按摩、刮痧、拔罐；反覆錘打肌肉⋯從而令肌肉失去應有彈性，不再繃緊，無法保護原有病灶，繼而由淺表嘅肌肉痛變成更深一層嘅關節痛、深層肌群發炎、椎間盤突出症急性發作、急性腰、頸扭錯傷（俗稱瞓捩頸、閃腰/扭親條腰）。📌📌📌

　　門診常見表現有：高低膊、長短腳、寒背、富貴包、小腹突出等問題。正確嘅處理方式係：先做針灸、推拿（按摩），後做正骨、整脊、復位，繼續做相應運動康復。

—————————————————————————

　　推拿、運動、整脊後反覆發作，常見原因係處理唔夠完善。

—————————————————————————

　　咁到底有幾多人擁有健康平衡嘅骨骼肌肉系統？青壯年人群唔夠10%，熟齡老年人群唔夠5%。

—————————————————————————

　　「點解經常運動啲病都唔會好？」，因為運動伸展可以令關節復位，同樣可令關節錯位；因為運動可以令鬆弛肌肉加強肌力，亦可以令關鬆弛關節變得更鬆弛（即係仲衰）。

　　所以，針對關節錯縫、脊椎失衡嘅體質，我地係需要正確嘅運動方式，正確係指針對身體需要嘅指定康復運動，而唔係一般嘅常規運動。

—————————————————————————

　　「點解推拿後都係反覆痛？」，因為無將病灶處理，無將脊椎或關節整復。

—————————————————————————

Recent Posts