骨刺與痛
—————————————————————
每每天氣急劇變化，都會使痛症增加。
所謂「舊患」，其實係有得康復嘅，前提係：全身氣血要夠、並且行得通暢，既係無「虛」，又無「瘀」嘅狀態，舊患就唔會隨住天氣變化發作。
—————————————————————
關於舊患，好多人對「骨刺」（骨質增生）失信心，認為「骨刺」係絕症，無法康復，錯❌！
—————————————————————
常規「骨刺」產生，係骨頭嘅退化表現，即係同年齡增長有關，35歲或以上，就會好容易搵到骨刺，所以，「骨刺」同「痛症」並唔係絕對相關，可以有骨刺但係唔痛。
點解有骨刺，原因係骨頭有生命、骨頭會成長，亦係點解人可以由新生嬰兒50公分高，成長到成人150-190公分（或更高）嘅高度，但骨頭成長到22-25歲右右，就唔會變長，增長過程，長多咗，長錯咗嘅骨頭會被破壞重吸收，即成骨細胞、破骨細胞嘅平衡，骨頭嘅動態平衡黎維持正常嘅骨頭狀態，35歲以上，骨頭開始失衡，骨刺就會開始產生。
—————————————————————
同「痛症」相關嘅「骨刺」，常見原因係過度負重、唔正確嘅關節活動、滑膜炎、外傷後無正確治療、不良姿勢、礦物質（營養）缺乏等等。
所以，要醫痛症，就係針對病因醫返好相關疾病，例如矯正姿勢，可以透過整脊、運動康復；調整不良關節活動，可以透過推拿、針灸；滑膜炎、營養缺乏，透過中西藥物或營養補充；過度負重，減輕不必要負重同肌力訓練；然後，「骨刺嘅痛」就會成功解除。而「骨刺」嘅本身，可能由身體整體狀態改善而縮細甚至消失。
***只要由病因著手，骨刺嘅痛係可以根除***
—————————————————————
希望科普文幫倒大家更清晰了解疾病嘅原因同治療方法，唔好對疾病過份失望，有唔少病其實可以「斷尾」，斷尾係指唔需要反覆為同一個病不停睇醫生，斷尾並不是指疾病永久不發生。
—————————————————————
コメント