秋分與食療介紹

是日天氣，乾燥，攝氏24-31度，風級三級。

秋分，晝夜等長，氣溫與濕度開始下降。

秋季應節食療介紹：

海底椰蘋果湯（1-2人量）

海底椰15克、蘋果1個（去核連皮）、百合15克、無花果3粒、南北杏10克（打碎）。煲清水或瘦肉。甜鹹均可，隨口味喜好。

沙參玉竹雪梨湯（1-2人量）

沙參20克、玉竹15克、雪梨1個（去核連皮）、粟米細者1條、蜜棗2個、薑適量（拍）。煲清水或雞肉、瘦肉。甜鹹均可，隨口味喜好。

簡單可以食芝麻糊、花生糊、合桃糊，選擇低甜度嘅。

亦可以選擇木瓜雪耳杏仁糖水，同樣少甜。

白果腐竹馬蹄粥或糖水同樣啱口味。

而花旗參蜜亦係唔錯嘅選擇。

適合口乾舌燥、虛熱、平和體質。風寒感冒、脾虛腹瀉、濕熱者慎飲。

Recent Posts

門診腸胃病嘅人士佔絕大多數，俗語講「人生三得」，就係食（飲食）、瞓（睡眠）、疴（排二便）三樣都良好，「三得」好嘅人，難生病，「三得」其中一樣或以上出問題，長久以後必定病，只係「病」得唔同程度。而普遍大家對「病」嘅感覺同認知唔同，亦引致病人喺唔同深淺嘅時候求診。例如，有病人...

門診好鍾意請病人多增加肉類、豆類攝入，肌肉流失與痛症（面部皺紋）發生相關。健康人士飲食，係好均，70+都可以自己一餐食完一條魚，亦肯食肉/飲肉汁。紅肉相對易刺激身體發炎/痛風發生，豆蛋白就係相對安全嘅植物蛋白，適合素食者，適當攝取唔會增加痛風發生。常見豆類的性味與功效...