針灸與性價比
身邊討厭針灸嘅人太多，除開入針時有痛感，針完之後仲要留住酸麻脹嘅感覺一段時間。
而討厭中醫嘅人亦太多，會嫌棄中醫速度慢。
寫post原因唔係要澄清乜嘢，亦唔係為咗扭轉乜嘢。
因為，做人嘅意義唔係為咗去改變別人。
＝＝＝＝＝＝＝＝＝＝＝＝＝＝＝＝＝＝＝＝＝
針灸，我會推薦以「性價比」去考量，以急性痛症為例，主症係劇痛加活動受限，一兩次針嘅酸痛，換黎當刻嘅活動自如，好值得！點解要為咗逃避針灸，寧願三五日嘅活動受限呢？（經三五日後，急性期水腫一消，活動度必定增加。）
＝＝＝＝＝＝＝＝＝＝＝＝＝＝＝＝＝＝＝＝＝
至於速度：「急性病、輕病病程短；慢性病、重病症病程長。」其實病程長與短根本同中或西醫完全無關，無論點加偏見，千年黎都無辦法滅絕中醫，因為中醫本質就係屬於民間需求嘛。
＝＝＝＝＝＝＝＝＝＝＝＝＝＝＝＝＝＝＝＝＝
醫生講醫緣，希望受病困嘅各位，有緣份遇到你合適嘅醫生。
無論中醫西醫都好，只要佢本身係一位好醫生，就一定幫倒病人。
Comments