腸胃炎
春天溫暖、濕度高，萬物生長，包括細菌同病毒，進食不當，容易引起腸胃炎。
陽光少，濕度高，感覺氣溫忽冷忽熱，適應唔黎會容易引起感冒或腸胃炎。
開春、開關、新冠陽過後，三者結合嘅特式係，黏膜損傷，消化道未完全修復，消化吸收功能減弱，加上工作外出進食，或應酬時過量進食，更容易誘發腸胃炎。
———————————————————
預防，每日留意身體消化系統：
1。口腔黏膜：平時容易潰瘍嘅，消化道一般較弱，身體營養失衡或缺乏。新冠陽過後，有咽乾痰咯不爽、糙粗感（俗稱「口鞋脷掘」），一般係身體未完全修復。
2。胃口：無飢餓感或進食量少易飽，進食後容易飽脹、噯氣、上腹部脹悶，都係消化功能減弱嘅症狀，長期發病嘅多數有慢性胃炎，甚至係胃、十二指腸球部潰瘍。
3。大便：下腹脹悶，放屁後才覺舒適，大便唔係每日一次黃金香蕉狀，似粥、似糊、結粒、便後排不盡感，都唔算好嘅大便。
消化系統較弱，都需要注意，進食5-7成飽，減油飲食，即減煎炸食品，忌食油糖結合食品，食物代表係西式蛋糕、中式河粉、腸粉。
衣物要適時添減，適量運動加強血液循環。
優質益生菌長備家中，腸道老化係都巿常見問題，同生活壓力大、食無定時、營養失衡等相關，到門診求助解決內科問題嘅病人，多數都有胃腸道病徵。建議胃腸道較弱人士每日服用優質益生菌直至功能回復正常。
———————————————————
處理，腸胃炎嘅對症處理：
1。嘔吐、腹瀉要正常排出，無必要濫用止嘔、止瀉藥。病毒細菌刺激胃腸道，局部水腫、發炎、重吸收收阻，需要將致病原沖離體外先可以容易康復。
2。補充優質益生菌，可以每日4-6次補充（品牌不同、質量不同、用量及效果都不同）。
3。減食或停止進食，可以補充電解質水（唔同運動飲品），注意少量慢慢補充水份及糖份、電解質，防止身體脫水，飲食原則係唔餓唔食，見餓少食。
4。腹部冰冷感可以敷熱水袋或暖貼，增加舒適度。
5。必要時就診處理。
———————————————————
中醫角度，舌診多見厚膩，有色白或色黃，濕熱寒濕用藥稍有不同。
保健歐陽醫生有教蘋果水，源自老師嘅驗方，覺得腸胃差咗就記得乖乖勤飲，腸胃炎時可以代茶飲用，可以和胃導腸亦補充熱量。
溫針、摩腹都可以處理腸道不適，門診有需要時就會加上合用。
———————————————————
コメント