火龍果雪梨汁

火龍果：味甘淡，性微涼。含有水溶性膳食纖維、維他命B、C、鈣、磷、鐵等，有助促進腸道蠕動。

雪梨：味甘，性涼。含不可溶性膳性纖維、維他命C、K、葉酸、鉀等。可潤肺生津、通便潤膚、清熱化痰。

孕婦懷孕中期，下肢起皮疹，平坦、色紅、痕癢，問診下原來大便秘結如粒數日，就推介佢飲呢款果汁。

當然，呢款果汁仲好適合秋天，適合咽乾、皮膚乾燥嘅人士。

孕婦擔心「會否太涼傷害腹中胎兒」，反問孕婦「想繼續爛肉定清熱？」。

懷孕期間，容易出現「陰虛內熱」嘅體質，俗語有話「產前一盆火，產後一盆冰」，孕婦怕熱原因係荷爾蒙變化，我地係要將身體調和，唔係一味進補，亦唔係一味清熱甚至所謂清胎毒，要飲食均衡，運動作息定時，需要時就要選擇合適嘅飲食，大便秘結時自然要潤腸通便，身體出現任何症狀都係提示身體可能出現咗問題，要等你去解決，簡單嘅水果汁，飲幾次，清咗熱通咗便就可以了，又唔需要每日不停咁去飲，如果簡單一杯果汁都會引起胎兒受傷害，應該係正視到底胎中發育是否健全。

當然，食療「唔夠力」，就搵醫生用藥處理啦。