怎樣獲得健康？
「健康不是常態，正如同發達一樣，要努力先可以得到。」（這裏撇除先天性、基因性的問題，黎自一位中醫界KOL嘅觀點。）
因為喜歡呢個觀點，所以就寫咗呢段篇幅。
===長文慎入===
「健康就是財富」（health is wealth），近乎係全球性嘅觀點，普遍解讀為：有健康才有資格拼經濟、健康身體才能享受財產否則變成遺產等。
我地不妨黎個逆向思維，健康其實不是常態的，要經過努力先可以獲得，唔好問醫生點解會病，先撫心自問你對你身體做過乜嘢。
內經年代（先秦、公元前21世紀起）已講到「五穀為養、五果為助、五畜為益、五菜為充，氣味合而服之，以補精益氣」，要補充身體所需，必先做到營養均衡，但現代社會所見多數係，每日以頹食、劣食為主，早餐求其一個包、午餐常規碟頭飯、晚餐大食特食，唔止講緊普通上班族，係講緊包括營養師、醫生都係咁樣一日三餐，撇開知識問題，主因係在於無時間所以無條件。有經濟條件嘅人，會喺劣食同時自行購買一堆蟲草靈芝人參花膠或者中西保健品對不對？更有部分人士用中藥「養生」（指濃煎嘅中藥原片水劑）。試問呢種飲食模式點會黎得健康？
「砭、針、灸、藥、導引、按蹺」係中醫保建治病六法（砭，即刮痧、穴位按摩之類；針，毫針刺；灸，加熱、用艾或中藥等；藥，中藥；導引，即拉筋、運動之類；按蹺，推拿推摩），治療順序係，有病，先按穴位、針刺，力量唔夠，加熱加灸，寒冷地區一般加灸或可以灸代針，病向淺中醫，經絡病、淺表病早期醫治，循經絡治臟腑唔理想就入中藥治，重病可以針藥並用；無病或自我調節者，先做好運動、拉筋、運氣，不效先做按摩。但現代多見係，針灸好痛，食中藥先；運動好攰，去按摩先。閣下有無躺著也中槍？歐陽醫生十年黎所見甚多！
（西方醫學，有物理治療、保健品、營養醫學補充品、運動處方FITT等，歐陽醫生也懂一二，歡迎咨詢。）
論作息，中醫更講究「三因制宜」，要根據不同人群、不同地區、不同季節作調整。門診唔好再代問老公仔女應該點調理，要全家老少咸宜嘅湯水，肯定無特定藥效偏勝嘅，要針對特定人群嘅，必須辨症論治、門診處方，無特定藥效近乎全人群嘅湯水，有四季湯水，按季節分，有營養湯水，即蕃茄薯仔蘿蔔、雜菜湯、魚片湯之類食材湯水。歐陽醫生門診有四季湯水食譜可領，舊講座寫落嘅教材。
以下係歐陽醫生推介內容，營養餐單，台灣衛生署嘅飲食指南，定期更新、豐富、易明（https://www.hpa.gov.tw/Pages/EBook.aspx?nodeid=1208）；湯水藥膳，香港芳姐，有中醫知識又用心，無得輸（https://www.healthy-food.hk）；運動，個人推介徒手健身，推介原因係無需器械、場地，詳細咨詢可以跟我門診，呢度簡單推介下呢兩條link吧，調節正確姿態與簡易五分鐘運動（https://youtu.be/77c8QNA-95s、https://youtu.be/SRq7XtDW0wg）。
心靈健康嗰part唔講了，好難寫，如果大家想搵中國式健身、佛教、基督、天主教、甚至new age等，我再引薦朋友大家認識吧。
歐陽醫生提供綜合門診，針灸、整脊、推拿、濃縮中藥粉、營養醫學補充品等等一應俱全。
希望大家可以繼續俾靈感我，等我可寫出更多更好嘅文章，感謝大家。
Commentaires