論整脊
- Melody Doctor of TCM
- Jan 3, 2020
- 2 min read
論整脊
門診同病人溝通嘅經驗，普遍對「整脊」存在好多誤解。
＝＝＝＝＝＝＝＝＝＝＝＝＝＝＝＝＝
今日呢篇有啲長，慎入！
＝＝＝＝＝＝＝＝＝＝＝＝＝＝＝＝＝
巿民普遍認識「脊醫」，因為在香港發展咗幾十年，廣告亦眾多。
但其實「脊醫」唔係醫生，而針對「醫生」職稱，兩派多年黎一直爭論未有共識，因為「脊醫」只有手法、物理方法，而缺乏藥物療法，內科常見病如感冒、高血壓、腎炎之類無從治療。而「西醫」就係發展咗幾百年，但理論體系完善，征服咗全世界，一切醫療體系都以佢作準，所以佢唔俾人亂用「醫生」嘅名稱。
相對「脊醫」，「物理治療師」同「運動康復」就有更大優勢，因為兩者本來屬於西醫嘅分支，認受性必定高：「物理治療師」用物理方法緩解痛楚，不過有關侵入性療法，如使用中醫針灸（佢地將之命名為「針刺」，但使用工具就係中醫毫針），喺澳門並未合法，當然佢地會努力爭取權益啦，當人數眾多時，未來好難唔改例。「運動醫學」就有佢一套康復特色，通常都夾住物理治療一齊做。
＝＝＝＝＝＝＝＝＝＝＝＝＝＝＝＝＝
而「中醫整脊」，真心無乜人知，追溯返歷史，其實應該去到公元前兩世紀就有相關歷史，現代「中醫」，課程學習中包含六成中醫理論、四成西醫理論，係好完整嘅理論，治療手法包含藥物及物理方法、運動方法，所以，港澳中國地區合法被承認。
中醫治療範疇，有：未病先治-養生、食療、已病治療-內外婦兒傷科都可以，急慢性質疾病都得。除咗手術以外，感冒、頭痛、三高、癌症腫瘤、痛症等都有得醫。
「中醫整脊」，就係融合咗中醫同西醫嘅方法嘅學科，門診用到嘅方法，西藥以外係所有，如「X光」、「MRI」、「CT」等檢查、「熱療」、「電療」、「牽引」等物理方法、「針灸」、「拔罐」、「手法」、「中藥內服」、「中藥外用」等中醫特有方法等、亦有用到「運動」方法鞏固其療效。手法上，其實已包含「跌打」、「正骨」、「按摩」等，十分全面。
「整脊」與「脊醫」絕不相同！
＝＝＝＝＝＝＝＝＝＝＝＝＝＝＝＝＝
延伸閱讀：
＝＝＝＝＝＝＝＝＝＝＝＝＝＝＝＝＝
要保護中醫知識產權——「整脊」一詞，不容冒用：
＝＝＝＝＝＝＝＝＝＝＝＝＝＝＝＝＝
脊骨神經醫學（Chiropractic）是一種另類療法。脊醫即是脊骨神經醫學的治療師，重點是針對肌肉骨骼系統（脊柱，骨盆，肌肉，韌帶和關節）的疾病作出診斷、糾正和預防。脊椎按摩療法與脊柱、頸部操作有關，但它涉及手部護理，物理治療方式（超聲波）和運動的組合。
＝＝＝＝＝＝＝＝＝＝＝＝＝＝＝＝＝
（香港）政府就應否承認脊醫簽發的醫生証明書⋯⋯不宜將脊醫的醫生証明納入為有效病假紙。
＝＝＝＝＝＝＝＝＝＝＝＝＝＝＝＝＝
牙醫是醫生，脊醫為何不是醫生？⋯⋯由於脊醫治好了很多頑疾⋯⋯
＝＝＝＝＝＝＝＝＝＝＝＝＝＝＝＝＝
拜託唔好再胡亂攻擊中醫了，好嘅中醫係全面處理人體病痛（手術除外），注意，我係講緊好嘅中醫，因為歷史太悠久，亂象係多啲，假郎中的確存在不少，假郎中唔係指師承制，係指識少少扮代表亂咁黎呃錢嗰種壞人。
＝＝＝＝＝＝＝＝＝＝＝＝＝＝＝＝＝
當然，我個人認為中醫學習過程中，實習操作應該更多更進步、更嚴緊，統一令新牌仔剛出身就可以穩定高療效，才可以獲得更高社會地位，而唔僅限於「老中醫」。如在學習程添加一年左右師承經驗，才能更理想。
＝＝＝＝＝＝＝＝＝＝＝＝＝＝＝＝＝
Comments