跑友注意
早晚開始有點涼意，進入戶外長跑嘅好季節了。
練跑注意事項有：
胸背肌肉要有力而穩定；
肩關節要放鬆；
核心肌群（腰腹骨盆）肌肉要強大；
髖要打開；
大腿前肌肉要拉鬆；
腰臀要有力；
小腿、踝、足底要放鬆。
「嘩！講曬咩。」對喔，長跑其實全身都有運動，唔好只鍛練下肢肌肉而忽略核心及上肢肌肉嘅穩定性。
門診有好多因跑而傷膝、傷跟腱、傷足底嘅人群。
要避免受傷，以上提及嘅肌肉群都要訓練到，記得肌肉訓練後需要48小時休息時間。
當你膝痛時，注意放鬆大腿肌肉，尤其股四頭肌弓步、跟臀緊貼拉伸效果甚佳；其次係大腿內外及後方肌群，蝶式、側跨步蹲都是好方法。
踝關節，做到屈伸、旋轉，單腳尖站立有助穩定踝關節。
足底，可做網球滾、五趾抓毛巾等放鬆。
核心肌群，平板撐、側平板撐、蜘蛛俠平板、超人式平板等少不了。
臀肌就係狗仔式後踢、側踢等。
跑嘅名次唔重要，最重要係身體唔受傷。
歐陽醫生下次期講中藥、營養。
(圖片源自網絡）
Comments