有病人問，拗柴（踝關節扭傷）究竟係腫好定唔腫好？梗係唔腫好，越腫代表軟組織撕裂傷越嚴重，如果撕到骨膜或有骨折直頭見瘀黑腫脹。
急性扭傷，通常由運動、叉錯腳、跣親等引起；慢性損傷，常見因長短腳（骨盆歪斜）引起。
損傷ngau（吽）唔ngau得好，主要視乎關節有無微錯位，歐陽醫生門診習慣針推以外會加埋復位，因為可以輔助康復快好多。
踝關節不穩、容易反覆拗柴嘅，需要做運動康復，例如星狀訓練就係一個加強踝關節穩定嘅推介動作，適合已消腫止痛嘅急性踝關節扭傷（即中後期）並已復位嘅狀態，亦適合關節不穩定容易反覆扭親嘅人士。
Commenti