迄今為止，依然有唔少人反對中藥，反對睇中醫。
到底中藥係咪安全？係咪每個人都食得？
生薑、蒜頭、芫茜、洋蔥、龍眼肉、芒果核、荔枝核、柑皮、雪梨、蘋果、蘇葉、粟米鬚、白蘿蔔、蓮藕、馬蹄、黑芝麻、苦瓜、小麥、白米、豬肉、鯉魚、海參⋯⋯
以上所述，全。部。都。係。中。藥！咁中藥到底安唔安全？唔小心食咗四両豬肉、食咗一百克白米會唔會被毒死咗？咁中藥係咪係人都食得呀？
中醫講求「藥食同源」，通常將藥性（中醫古籍係講毒性）弱嘅植物歸類為「食材」，或「藥食同源」嘅藥材，一般唔洗醫生監督下都可以任用，除咗食多咗會食滯，真心無毒性可言。
但，藥性較烈嘅植物，甚至礦物，會被歸類為中藥，最好由醫生指導下使用，例如附子、細辛、柴胡、大黃之類。
至於，毒性較強嘅中藥，例如水銀、砒霜，應該唔會有人拎黎食吧？但係，砒霜係咪俾西醫拎咗黎提取西藥做抗腫瘤藥先？
另外，一啲普通人唔識用嘅中藥，如自然銅，中醫拎黎入丸散，接骨用。而，有幾多人知道，青蟹粥都係可以拎黎接骨用？
中藥用得啱，效果真係超級好！
好記得老師當年個例子，喺講枱上演講後嘅Q&A環節，被某專業人士質疑點樣保證癌證放化療途中可以安全使用中藥，老師答：「用紅蘿蔔、竹蔗、馬蹄、生薑煲水醫放化療引起嘅口乾、口腔潰瘍，咁中藥夠安全未？」就成功將問題完美解答。
去批判事情之前，必須先去了解清楚，否則，永遠無資格去批評任何事。
Commentaires