冠狀病毒、SARS與武漢肺炎
- Melody Doctor of TCM
- Jan 9, 2020
- 2 min read
冠狀病毒、SARS與武漢肺炎
我經常同病人、學生講，乜都要實事求是，係嗰樣先講嗰樣，唔好老作、老吹，老作作得太大，好易嚇親人。
＝＝＝＝＝＝＝＝＝＝＝＝＝＝＝＝＝＝＝＝＝
（一）冠狀病毒
冠狀病毒，就係指電鏡下病毒外觀睇觀似皇冠（見附圖），本來無乜好怕嘅，「冠狀」只係用黎病毒病毒嘅外觀，已經有幾十年歴史，無乜特別。
＝＝＝＝＝＝＝＝＝＝＝＝＝＝＝＝＝＝＝＝＝
（二）SARS
問題係，除住病毒嘅歴史推移變種，冠狀病毒變出咗一種新型病毒，SARS－傳染性非典型肺炎－或稱沙士，肆虐全球，死傷無數，傳染性強、致死率高、病癒後後遺嚴重。令到大家一聽到「冠狀病毒」呢個名，都聞風喪膽。
＝＝＝＝＝＝＝＝＝＝＝＝＝＝＝＝＝＝＝＝＝
（三）武漢肺炎
就係地區同疾病嘅合稱，近月武漢肺炎病例大爆發，症狀有發燒、咳嗽、有痰、胸痛、呼吸困難等。
近日先新公佈病毒分型為冠狀病毒，叫佢「新沙士」，係武斷咗，因為未知病毒嘅流行病學。
＝＝＝＝＝＝＝＝＝＝＝＝＝＝＝＝＝＝＝＝＝
其實任何病毒，都要跟返佢嘅流行病學，傳染性有幾高、病毒轉錄、傳變有幾快、引致宿主嘅疾病會有幾嚴重、致死率有幾高等等。做到個人衛生，唔需要過份恐慌，亦唔需要過份安心，要有心理準備，随住氣候、人類生活習慣演變，疾病傳變定必越演越烈。
＝＝＝＝＝＝＝＝＝＝＝＝＝＝＝＝＝＝＝＝＝
談治療，西藥嘅研發，要好多證據同時間，所以叫做「無得醫」，但其實，我經常都講，「西藥從來無醫過感冒」！，平時食醫感冒嘅西藥，只係針對緩解症狀嘅藥，如：退燒藥、化痰藥、鎮咳藥、抗敏藥，有部份西醫會用激毒、維他命、抗生素、抗病毒藥，聯合用上去，效果會快啲，醫感冒，主要係靠自我隔離、休息，靠自身免疫反應將病毒袪除。所以，我會講，無得醫唔需要太擔心，因為醫學從來都係咁嘅一回事。
而所謂嘅特效藥，係大感染時期，為咗病毒特製嘅藥物，因為無經科研實證，第一次人體試驗就係用喺治療上，好處係救命先，壞處係疾病後遺不可預計。
＝＝＝＝＝＝＝＝＝＝＝＝＝＝＝＝＝＝＝＝＝
談治療，中醫中藥治療，即係溫病、解表、治肺之類嘅中藥，中醫嘅草本中藥，素來醫病毒好拿手，所以，武漢肺炎驗出黎係病毒，意味住中醫中藥可以派上用場，所以我係相對安心嘅。
＝＝＝＝＝＝＝＝＝＝＝＝＝＝＝＝＝＝＝＝＝
記得，任何病毒，都要跟返佢嘅流行病學，傳染性有幾高、病毒轉錄、傳變有幾快、引致宿主嘅疾病會有幾嚴重、致死率有幾高等等。
大家理智啲，實事求是，唔好亂咁嚇自己就可以了。
武漢肺炎，我地注意，謹慎做好預防措施，注意個人衛生與運動作息。
＝＝＝＝＝＝＝＝＝＝＝＝＝＝＝＝＝＝＝＝＝
Comments