預防呼吸道感染：
- Melody Doctor of TCM
- Jan 21, 2020
- 2 min read
預防呼吸道感染：
點樣預防？
1。注意個人衛生，打乞嗤、咳嗽，用紙巾掩住口鼻，或者用手、手肘，方向控制向地唔向前，有病要戴口罩，坐巴士、去人多密集嘅地方，體弱者要戴口罩。
*口罩係指普通三層外科口罩，細菌濾過率95%以上嗰種。賣超過一蚊一個基本上可以視為炒賣了。
2。接觸自己眼耳口鼻前，勤洗手；
3。如廁前與後，勤洗手；
*洗手定義係用番梘加清水，齋用清水唔落梘洗唔甩病源體。
4。外出歸家，第一時間洗手、洗面、洗鼻、𠺘口。洗鼻用生理鹽水清洗鼻前庭，𠺘口要具消毒性嘅嗽口水𠺘曬咽喉同口腔，𠺘幾秒就夠，唔好𠺘幾分鐘，要多次少時間，絕對唔係一次性長時間。
5。休息、運動要足夠，偏埋一邊都唔好。
6。家居清潔，用1:99漂白水，或者用消毒水，咪鬼信嗰啲所謂無害天然嘢，呃錢之餘唔知有無效。
7。保持腸道健康，留意自己大便性質、次數等。跟我門診都有教過蘋果水、開胃茶之類，唔記得嗰啲門診再咨詢。
＝＝＝＝＝＝＝＝＝＝＝＝＝＝＝＝＝＝＝＝
8。預防嘅中藥可以執好在家備用，萬一有症狀，可以自用適合嘅藥自己處理。有需要就搵醫生。
9。中藥嘅預防，在於食物源，即藥食同源，如糙米、白蘿蔔、菜乾、苦瓜，點食都得，跟返均衡飲食配搭就得。任你食。
10。平時無事，狂飲中藥，到發病要用中藥，該味中藥就會失效，即係平時日日飲10克，到發病，用到60克都未必有效。
11。亂食中藥後果自負。
12。條方係好嘅，主要係清熱同護胃，想預防，可以執定兩包擺好喺屋企，萬一出現嗰包藥醫倒嘅症狀，你就可以即刻拎出黎煲喇。
13。至於點樣分辨症狀，篇幅有限，臨床上面嘅細節無辨法講，因為真係太複雜。
14。用精油都一樣、用營養素都一樣，熱病用涼油、寒病用熱油；營養素，實症用袪邪類營養素，虛症用補益類營養素。亂Q咁用，答案係一樣，俾極錢用極都唔會好。
＝＝＝＝＝＝＝＝＝＝＝＝＝＝＝＝＝＝＝＝
Comments