運動傷害，個人會分做兩大類：1-係該項運動特性容易產生嘅損傷；2-係不當姿勢引起嘅傷害。
運動嘅指導教練有義務教識運動點樣避免受傷，運動員自身亦有義務去搵資料，追求更完美嘅細節去展現讓項運動。
運動係一件好有趣嘅事，唔做運動，對身體整體機能都係傷害，做運動，又好容易誘發或產生唔同嘅傷害。
臨床見得多嘅係，唔運動嘅人笑鬼運動嘅人，指責「運動」搞到周身傷要花錢睇醫生；運動人士因為長期訓練而勞損、錯誤姿勢引起傷害而到門診求治。
—————————————————————
門診靠醫生雙手以外，以下幾點絕對有幫助：
1-掌握正確姿勢，做運動切忌「依葫蘆畫瓢」，只聽指令一味死跟，唔理解運動本質，一係容易出錯或損傷，一係做唔出成果。
（見最多係聽指令做瑜珈嘅，無咗導師指令無法自行運動，練咗多年都係「做」而無「學」到；亦見好多錯誤拉傷嘅，胸背傷、大腿內側拉傷最常見）
2-運動前後熱身，必須足夠熱身同放鬆時間。
（常見係運動前是但熱身3-5分鐘，有啲仲要完全唔熱身，見最多係膝傷，有啲係行路行傷膝頭，唔係誇張亦唔好笑，因為真係好常見。）
3-豐富運動種類，運動必須要伸展、帶氧、肌力訓練都做齊，對身體先可以產生最好嘅效果。
4-足夠休息。
（常見係唔瞓覺都要去做運動，門診最悶嘅事係，逼啲好熱愛活動嘅人休息；逼啲化石般嘅人類去運動。門診成日講笑我教得嘅都係懶人操，亦有病友同我講笑係屬「懶癌末期」，絕症黎嘅，寧願靠睇醫生都絕對唔會運動⋯er⋯，對，嗰刻我靜咗。」
5-足夠營養。
（都市人大部分係熱量過盛，營養缺乏，應該都聽過了吧？）
—————————————————————
Kommentare