健康嘅運動係喺身體有足夠休息前提下進行。
而有效嘅運動係必須強度足夠，即係推高心率達到年齡所需比例。
歐陽醫生嘅習慣係，未瞓足夠唔會高強度運動，只會簡單伸展。瞓夠身體無疲累感嘅狀態下，進行中或高強度運動。伸展、帶氧、肌力輪流做，但每星期或每個月內必須全部都有做到。
病人都鍾意同歐陽醫生分享「每日行兩個鐘」，歐陽醫生會建議「快、慢間歇走」半個鐘，會比全程慢走兩個鐘、或全程快跑十分鐘有效，高強度間歇HIIT係最慳時間嘅有效運動方式。
又有病人分享練咗N年太極，只要舌診、把脈或留針查針感，甚至乜都唔睇只睇驗血報告，代謝唔夠好已經基本斷定練太極練氣練得唔到位。有病人唔係練太極，佢係練瑜伽，但氣調節得好好，落針即感針氣流動，針感可留兩日。氣嘅調節好睇天份，練太極，形似神不似，效果比較差，不如練八段錦，簡單易行又有效。當然仲有其他功法，睇返個人需要進行。確實無感，可以用針灸做方便法門，歐陽醫生對氣血流動嘅感受，都係由針灸開始，如果無針灸，歐陽醫生就無對氣嘅領悟。
建議運動時間及強度：
運動強度簡易計算法：
如圖，心率每分鐘156次，已經算係中高強度左右，如果每日20分鐘，一星期就有140分鐘，加多少少肌力訓練就可以達標。
好嘅心肺功能，會少啲暈、少啲攰、少啲怕凍、少啲作感冒、減少高血糖、血脂、血壓風險、心情舒暢啲。
好嘅肌肉強化，可以增加基礎代謝率，即係坐住都會瘦、亦會減少慢性痛症（俗稱肌肉勞損）、體態亦會靚啲。
共勉之。
Comments