秋燥

天氣反常，冷空氣唔係經常有，但睇最低濕度落到50%-65%，就要注意秋燥真係出現喇。

護膚方面，可以加食「好油」，如牛油果、三文魚、堅果等，營養素就係Omega 3同抗炎類嘅Omega 6，護膚品可以換一套全新，或者喺原有基礎上加強透明質酸、極少量天然油（如杏仁油、葡萄籽油、乳木果油等），怕「笠黐黐」嘅，可以喺面霜後噴爽膚水（或者花水），用未搽手霜嘅手適當按摩，甚至用濕咗爽膚水嘅化妝棉按壓，可有效減少黏笠感。

中醫講秋天燥邪傷肺，意思係入秋後就好容易有喉乾咽痛，湯水唔少得，簡單係雪梨水（加沙參、南北杏、蘇葉、生薑、陳皮等煲），亦有秋天湯水，如蘋果百合雪耳湯（加南北杏、無花果等煲）、朧脷葉羅漢果雪梨湯（加無花果、蘋果等煲）、五指毛桃海底椰湯（加粟米、蘋果、腰果、合桃等煲）、海參湯（加螺片、瑤柱、淮山、杞子等煲）。

同病人傾計，覺得近排塊面出多咗油，又有覺得近排出多咗暗瘡，主要原因都係無額外調養去應應萬變嘅天氣。

面部針灸、拔罐、頭皮按摩、中藥內服、湯水代訂等等，都可以幫助身體對抗天氣帶黎嘅不適，詳情咨詢你信任嘅中醫。

#澳門中醫

#澳門女中醫

#秋燥

#護膚

#湯水

#推介

#推薦

#針灸

#拔罐

#中藥

#圖片取自網絡