二十四節氣

二十四節氣

二十四節氣屬古代曆法，最早於公元前107年就有記載了，黎自從地球觀測太陽嘅變化，當中包含天文季節、降水現象、溫度變化、物候農事。

除咗農民，其實中醫都好在乎氣候嘅變化，由古到今一直沿用，你就明白到底有幾珍貴，內地住院病歴，有寫住節氣嘅一欄。

中醫嘅角度，春季多風，亦有春溫，易生內熱，去風同時會用清內熱嘅藥如石膏、知母、黄芩，亦會顧護津液，如生地、玄参；夏天，易暑、濕、熱、礙脾胃，容易有腹瀉、中暑等情況，用藥偏好袪暑、芳香、化濕、清熱等藥，藿香正氣散、銀翹散等多用，甚至會用到白頭翁等醫熱毒痢嘅藥；秋天，容易有秋季腹瀉，亦易生燥，夾熱或夾涼，養陰、化暑濕都可能用上，桑葉、杏仁、浙貝、梨皮、百合等多用；冬天，多以驅寒為主。以上，講嘅係肺系常用藥，因為感冒每人都會發生，亦係最最基本嘅藥。

至於四時湯水，春夏天飲清湯、秋冬天飲濃湯或補湯。春天可以滾下魚片、雜菇、蕃茄、排骨湯；夏天可以煲下烏梅、銀菊露、山楂麥芽水、打下果汁飲；秋天可以煲下雪梨雪耳糖水、木瓜杏仁糠水、焗下花旗參石斛、或者食下芝麻糊、花生糊、又或者食下蛇、羊肉、海參等等；冬天，首烏烏雞、胡椒豬肚、或者食下骨煲、八珍湯、參湯、杜仲茶等等，都係唔錯嘅選擇。

參考節氣去保養吧，唔係只係農民用嘅曆法。

當然，辨證絕對必須，唔會一概而論。

#二十四節氣 #中藥 #感冒 #食膳 #養生 #随筆 #澳門中醫 #建議 #推薦 #介紹 #澳門皇朝