間中都會請病人俾歐陽醫生影張相留個念，附圖係頸椎生理曲度變直嘅好例子。 脊椎係有生理曲度，過大或過小都會引起肌肉疲勞、關節面磨損、麻痹症狀、頭痛、夜晚易醒等問題。 咁脊椎曲度有無辦法調正回復正常？可以嘅，但需要勤力黎門診醫病，病人亦要自己勤做伸展/或肌力訓練。 #澳門中醫...

健康嘅運動係喺身體有足夠休息前提下進行。 而有效嘅運動係必須強度足夠，即係推高心率達到年齡所需比例。 歐陽醫生嘅習慣係，未瞓足夠唔會高強度運動，只會簡單伸展。瞓夠身體無疲累感嘅狀態下，進行中或高強度運動。伸展、帶氧、肌力輪流做，但每星期或每個月內必須全部都有做到。...

中藥配伍 門診病人肯交俾醫生全權處理處方+煲藥嘅，一般對醫生嘅信賴度較高。 強烈要求自己煲藥嘅，多數考慮藥物質量、煲藥質量或收費合理程度。 鍾意攞住紙質處方嘅，保險理賠原因以外，就係要檢查醫生嘅用藥。 試過有病人拎藥單執完藥，請藥師另外抽起病人自己唔鍾意飲嘅藥材，剩返先拎去...

反射痛 早段時間幫團體做義診，發現大家對反射痛有好深嘅誤解，網絡上嘅教學一般係咁：呢度痛、嗰度度往往係好嚴重嘅疾病，一般人會以為普通嘢而誤診，如 https://heho.com.tw/archives/1115 所示。歐陽醫生想表達嘅係，呢種類型嘅資訊其實更適合醫療人士睇...

門診嘅病人，通常檢查落黎都有長短腳，現實統計中，只有一成人雙腳平衡，九成人都有長短腳問題，但當中只有極少數引起痛症產生。 一般黎講，雙腳差2cm以上先會誘發症狀。（呢度講係雙腳一樣長，因為骨頭移位-半脫位、微錯位所引起嘅功能性長短腳）。...

門診都經常見到，慢性疼痛，治療過程必須經歷再創傷再修復。身體質素好嘅病人，修復力較好，所以對治療顯效；相反，身體質素差病人，修復能力弱，甚至係身體對損傷完全唔作修復，唔修復嘅程度嘆為觀止，小小嘅腳趾頭拉傷，做治療放鬆後，三個月至半年後仲係維持完本嘅傷勢（有治療過，痛只係稍稍...

關節都係可動嘅，所以只要有郁，就會歪，但正常情況下，動作回正，關節就回正。 正常功能嘅軟組織（肌肉、肌腱、韌帶等），柔軟、豐厚而富彈性，正常嘅骨頭表面尤其係關節面，係光滑無過份增生（俗稱骨刺），係令關節可動亦可回正嘅因素。 小關節紊亂、軟組織失能，係都巿常見痛症嘅原因。...

用合適方法、合適工具！ 整脊臨床一直好困惑嘅嘢係骨盆同胸椎，單純手法係好難精準咁處理，而需要嘅力量都大，（因為腰肌同大腿肌肉拉力好大、胸椎有肋骨問題），工具就正正可以輔助解決呢個問題。 進修返黎就即刻用上新方法，無針無痛純手法，效果真心好，終於將臨床嘅困擾解決。...

呢個問題係出自84歲黎門診保健嘅婆婆，點解會講「保健」而唔係講「醫病」，因為初診嗰日就已經知道，婆婆嘅「痛」係唔會停止，只可以減輕（包括減少發作同痛楚程度降低）。 婆婆好乖，每個星期都會黎門診一次，今日問：「幾時會唔痛呢？」，歐陽醫生答：「唔喺度（指去世）就唔痛喇，一日喺度...

天氣反常，冷空氣唔係經常有，但睇最低濕度落到50%-65%，就要注意秋燥真係出現喇。 護膚方面，可以加食「好油」，如牛油果、三文魚、堅果等，營養素就係Omega 3同抗炎類嘅Omega 6，護膚品可以換一套全新，或者喺原有基礎上加強透明質酸、極少量天然油（如杏仁油、葡萄籽油...

跟痛症，發作時，每踏一步都會痛，足跟X光檢查多數會發現跟骨骨質增生。 但，跟骨骨刺。並。不。是。引起跟痛嘅原因，最常見病因係蹠筋膜炎，即係足底筋膜炎。 所以，臨床主要手段係放鬆蹠筋膜與小腿肌群，。並。不。是。手術開刀將跟骨骨刺鏟除。...

成日都講治病求因，搵倒病因，大多數疾病都唔難醫。 假性肩周炎，當肩周炎咁醫，整兩三個月都唔會好；搵倒肩痛原因：頸椎，手法治療配合飲中藥，醫兩三次已經好返八九成。 康復過程係最考驗病人對醫生嘅信任度，治療過程會重新刺激組織水腫、再發炎、再修復，過程會痛，肯信醫生，堅持落去，終...

急性發作期、水腫期，點都要用兩至三星期先消倒腫，近排最棘手嗰位終於喺今日開始退腫，即是話脊椎關節拉得開，可以慢慢復位調正椎曲，用咗16日，兩日一診，第八診先開始消腫減痹痛，要完全康復仲需要一啲治療時間。 神經痹、痛嘅病人，真係要醫患雙方相互信任同努力配合先有得醫好，初起兩星...

按摩致病 唔係講按摩令人生病，係想講長期按摩令疾病遷延，延期就醫，致使疾病由輕變重。 骨骼、關節、骨骼肌、肌腱、韌帶等共同協調，令人體可以正常活動。 當有久坐起立時疼痛、上下樓梯疼痛，身體會自發性將肌肉收緊，目的係減少肢體關節活動，減少身體進一步受傷。當肌肉收縮繃緊疼痛時，...

針灸與陰影 門診經常遇到嘅係睇醫生後存在陰影，引致以後唔再想睇同一類型醫生，針灸尤其係當中嘅佼佼者。 針灸，通常都有酸痛，因為針感本來就需要「酸、麻、脹、痛」，但，呢種痛係令人難受定係令人舒適，係可以接受抑或不可接受嘅，就睇病症需要同醫生嘅針法。...

腸胃炎 春天溫暖、濕度高，萬物生長，包括細菌同病毒，進食不當，容易引起腸胃炎。 陽光少，濕度高，感覺氣溫忽冷忽熱，適應唔黎會容易引起感冒或腸胃炎。 開春、開關、新冠陽過後，三者結合嘅特式係，黏膜損傷，消化道未完全修復，消化吸收功能減弱，加上工作外出進食，或應酬時過量進食，更...

有病人問，拗柴（踝關節扭傷）究竟係腫好定唔腫好？梗係唔腫好，越腫代表軟組織撕裂傷越嚴重，如果撕到骨膜或有骨折直頭見瘀黑腫脹。 急性扭傷，通常由運動、叉錯腳、跣親等引起；慢性損傷，常見因長短腳（骨盆歪斜）引起。 損傷ngau（吽）唔ngau得好，主要視乎關節有無微錯位，歐陽醫...

肩周炎 有無規定話五十歲會肩周炎發作呢？其實無嘎，早嘅三十零歲都會發生。 肩周炎，係肩關節周圍炎嘅簡稱，近年會以黏連性肩關節炎（adhesive capsulitis）/adˌhēsiv ˌkapsəˈlīdəs/ 做正式學名，中醫舊有名係凍結肩、五十肩、漏肩風，方肩等，英...

下肢水腫 老年人下肢水腫好常見，門診常見病因有：心臟問題（心臟衰竭）、高血壓、營養缺乏如低蛋白、下肢動（/靜）脈炎、腎病相關、糖尿病等。其他病因有如肝硬化、紅斑狼瘡、內分泌失調等。 脊柱病，老年慢性椎間盤突出症，症狀唔係急性痛活動不利，反而多見係不能久行，時有下肢水腫及繃緊...

麻煩肩 門診收得最多嘅投訴係，啲傷醫唔好，有啲醫咗半年，有啲見過幾個醫生。 攞肩胛骨為例，如圖，可以睇到有幾多組肌肉同佢相關，所以，要醫好肩背傷其實係一件麻煩事，注意，係用「麻煩」黎形用，唔係用「棘手」二字。 麻煩嘅意思係，肩、背傷往唔往單止一組肌肉受傷，尤其係遷延嘅陳舊傷...