有病人問，拗柴（踝關節扭傷）究竟係腫好定唔腫好？梗係唔腫好，越腫代表軟組織撕裂傷越嚴重，如果撕到骨膜或有骨折直頭見瘀黑腫脹。 急性扭傷，通常由運動、叉錯腳、跣親等引起；慢性損傷，常見因長短腳（骨盆歪斜）引起。 損傷ngau（吽）唔ngau得好，主要視乎關節有無微錯位，歐陽醫...

肩周炎 有無規定話五十歲會肩周炎發作呢？其實無嘎，早嘅三十零歲都會發生。 肩周炎，係肩關節周圍炎嘅簡稱，近年會以黏連性肩關節炎（adhesive capsulitis）/adˌhēsiv ˌkapsəˈlīdəs/ 做正式學名，中醫舊有名係凍結肩、五十肩、漏肩風，方肩等，英...

有好多專家，有好多睇法，幾時都以臨床辨證配合實際用藥為基本！ 今次1208澳門COVID事件，歐陽醫生門診亦見以寒濕居多，呢點亦足以解析點解連花清瘟唔適用，有食完加重、亦有食完不適，唔係代表連花清瘟唔係一條好方，只係代表佢僅適用於澳門618疫情，618時至夏至，7月中就係三...

對症處理 退燒： 新冠打過疫苗嘅一般都會燒到39.5-41.5， 高燒需要食退燒藥，政府抗疫包有配備paracetamol 500mg，有唔明問相熟醫生或睇抗疫資訊https://www.ssm.gov.mo/apps1/PreventCOVID-19/ch.aspx#cl...

瑜珈與整脊 每次門診遇到脊椎問題嘅病人，高低膊、厚薄背、長短腳等等，都會建議病人老老實實照張整脊用嘅X光片，正式將脊椎問題理好，就會減少痛楚復發。 病人好多時都反問，我唔整脊，自己去練瑜珈得唔得？ 一般歐陽醫生都會答，只要你搵倒一個識幫你檢查、診斷、針對脊椎問題嘅人幫你做倒...

下肢水腫 老年人下肢水腫好常見，門診常見病因有：心臟問題（心臟衰竭）、高血壓、營養缺乏如低蛋白、下肢動（/靜）脈炎、腎病相關、糖尿病等。其他病因有如肝硬化、紅斑狼瘡、內分泌失調等。 脊柱病，老年慢性椎間盤突出症，症狀唔係急性痛活動不利，反而多見係不能久行，時有下肢水腫及繃緊...

風濕骨痛 近日天氣，瞬間變到春天嘅感覺，有沒有？ 反正近日病人反映出黎，就係有！ 風濕骨痛，係一種夜間特別痛，似係刀仔刮骨、蟻蟻爬肉嘅不適感，翻風落雨前兩日就會出現，直至落雨嗰日就減嘅症狀。 中醫講就係同舊患相關，有過傷患無處理好嘅舊患，亦同氣血虛弱或瘀滯相關，多見與年齡相...

好怕見倒啲嘩眾取寵文章/視頻，中醫難發展，其中一個好重要嘅重點係，傳統華人思想「教識徒弟無師父」，而。絕。對。唔。會。係因為現代中醫要學埋西醫。 假設現代中醫唔學識西醫，正確黎講應該叫現代醫學或者主流醫學，就GG了，因為，絕對有機會出醫療事故，例如：...

麻煩肩 門診收得最多嘅投訴係，啲傷醫唔好，有啲醫咗半年，有啲見過幾個醫生。 攞肩胛骨為例，如圖，可以睇到有幾多組肌肉同佢相關，所以，要醫好肩背傷其實係一件麻煩事，注意，係用「麻煩」黎形用，唔係用「棘手」二字。 麻煩嘅意思係，肩、背傷往唔往單止一組肌肉受傷，尤其係遷延嘅陳舊傷...

整脊門診，CT係睇骨頭嘅，MRI係睇椎間盤嘅。 點解要做X光又要做CT呢？ X光係初篩，CT係進一步確認問題。 整脊嘅門診係將神經症狀減低，盡量恢復椎曲，腰椎真性滑脫比椎間盤突出症棘手。其他治療方法可以手術融合、生長因子注射，輔助將骨折部分修復。 #多謝病人提供報告...

頭痛與咖啡因 長期飲用咖啡會引起依頼，致使停飲咖啡會產生戒斷症狀：如頭痛、疲累、昏昏欲睡、集中力降低、頭暈、易怒等。以上症狀主要納入與咖啡因相聯，即咖啡、茶、可樂、朱古力、能量飲品等都會產生依頼性。 若有發現，一日停飲咖啡奶茶等，頭痛加重時，建議正視戒斷症狀，減少攝取含咖啡...

文職工作經常有頸肩腰痛問題，只要工作，就有機會勞損，無得避免，唔少人都習慣去按摩中心舒緩肌肉疼痛，但需要注意，如果習慣依賴每星期按摩先可以將疼痛緩解，唔去唔得嘅時候，就要提防身體有否受損。 肌肉之所以勞損受傷，主要由肌肉協調失衡引起，正常人體脊柱有一定曲度，叫生理弧度，生理...

中醫嘅歷史太悠久，所以傳承落嚟嘅概念、範疇係相互連結，無法絕對分開。 總會有好少睇醫生，新傷嘅時候唔知去邊度搵醫生睇，所以有啲主題要定期幫大家溫故知新。 ———————————————————— 「傷科」 故名思義就係處理損傷為主嘅學科，主要處理骨、關節、筋肉損傷及疾病，傷...

兒童增高 有學生問起，小兒增高係咪要飲「海馬增高湯」？ 歐陽醫生嘅答案： ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 第一點：我地先要了解該名兒童係咪有增高嘅必要？ 呢度有連結，係一位兒科醫生嘅網站(https://i-growth.c...

唔少病人都問，點樣落針先落得準。 作為常用針嘅臨床中醫生，首要條件係識幫自己針識自救，只要針過，你先知針落去嘅感覺係點，同病人感同身受，同理心好重要。 其他，當然係要熟悉穴位、經絡、人體解剖啦。 痛症好奇怪，傷咗嘅軟組織，唔識自己康復，或者可以講係不完全修復，尤其成年後，過...

長短腳 有體徵嘅長短腳，行路時因為兩雙腳一長一短，會側身一枴一枴咁行路，中立企直時，兩邊肩會呈一高一低。 病人通常會因為長期膝痛，或長期肩、頸、腰、背痛到門診求治。 長短腳，有分成「結構性」同「功能性」。 結構性長短腳，係指兩邊腳長度發育不良，兩邊長度差超過2cm，若果結構...

中風 冬春交界，11月至翌年2月係腦中風嘅高發時間，當然一年四季都會發生，所以，任何時候都要注意。 中風，主要分為腦缺血同腦出血，缺血係血栓、梗塞引起，出血係血管破裂。 高危族群係糖尿病、高血壓、高血脂、腦血管畸型、心房顫動、低運動人士、飲酒過量人士等。...

剖腹產疤痕憩室 生育過程，女性比較在意順產好定剖腹產好，問唔同經產婦女、婦產科中、西醫生及護士，都一致認同順產好。 順產係最自然嘅生產方式，經陰道出嘅嬰兒接觸過陰道菌群，免疫力會比較好，經陰道擠壓，對嬰兒頭顱比較好；對新產婦，只係損傷子宮頸同擴張陰道，對子宮嘅傷害係最低。...

冬末春初，黎緊一連幾日有雨，溫暖潮濕，但又乍暖還寒，所要注意養生。 ———————————————————— 早晚要有薄外套，體虛人士最好用薄絲巾維持頸部溫暖。 湯水方面，體寒者仍要注意補氣助陽，濕重者可以利水但切勿寒利太過。 ————————————————————...

茶葉 毒性 無毒 歸經 胃經、心經、肺經 藥性 涼 藥味 甘、苦 功效作用 清頭目，除煩渴，化痰，消食，利尿，解毒。治頭痛，目昏，多睡善寐，心煩口渴，食積痰滯，瘧，痢。 ———————————————————— 都巿人，多進食油膩、煎炸、辛辣，有時繁忙、煩熱，夜睡不寧，好適...